Gary’s Paris/L... 
美眉法 
Gary Chung – 化妝品要夠pro 學專業化妝師化靚妝
2012-01-10 08:03 • 作者:admin 評論(0)Gary Chung – 化妝品要夠pro 學專業化妝師化靚妝
想做專業化妝師，起碼都要學番一兩年，但是要自己化得靚，只要識得揀專業的產品，都可以有很pro的效果。
勁貼粉底掃：早陣子有人話粉底要噴先夠貼，化妝師馬上一窩蜂跟，不過效果原來只是麻麻，因為噴槍只是適合阿凡達用，所以很快就out。我們人類要搽 粉搽得靚，我會推介Shiseido的perfect foundation brush，易推貼又可以填補到凹凸位同大毛孔地方，十支用好多年仲抵過用海綿。
四季眼影：眼影季季出新色，如果次次買，荷包肯定好傷。不如學專業化妝師用乜色都有的大盒眼影，一年四季興乜色都唔驚。Giffarine的多色眼影加胭脂組合可以俾你發揮無限創意，質地細緻夠出色，專業或自家用都掂。
美人膠水：這支eyetalk膠水個個化妝師都有一支。可以用嚟黐假眼睫毛，整理眉毛同黐雙眼皮都得。在我化妝師生涯中已用了起碼50支！
刁鑽睫毛夾：為甚麼雜誌裡面模特兒的睫毛總是這麼完美？因為化妝師都會用超細的睫毛夾，夾起平時大夾夾不到的前後兩端真或假睫毛，所以條條戙篤企。
星級假睫毛：近年很多女仔都有黐假睫毛，不過只可遠觀但不可近看，因為不是甩頭甩尾就是假到似簷篷。最近發現MAC有手功很細緻的透明底線假睫毛，上雜誌影大頭封面都很perfect，我每次去都會掃十幾盒。
