Gary’s Paris/L... 
美眉法 
Gary Chung – 家用美容小電器 隨時隨地變靚人
2012-02-08 11:46 • 作者:admin 評論(0)Gary Chung – 家用美容小電器 隨時隨地變靚人
閒時在家敷面膜，是貪靚女士最喜歡的消遣之一。近來歐美及日本，更流行一些家用的美容小電器，讓大家隨時在家靚得更徹底。
納米補水分：做面膜起碼要十幾分鐘，如果冇乜時間，可以試用Nabelle納米噴霧美顏器。只要放入自己喜歡的補濕水，就可變成納米補濕霧深入肌膚。搽面霜前噴可增加水分，亦可用來妝後補濕，小巧size易攜帶。
睫毛super up：假如妳的睫毛怎樣夾也彎不起來，又或者塗過睫毛液後就會下垂，就要學專業化妝師，用電熱睫毛棒電一電。Panasonic的紫色睫毛棒夠熱易用，我會先用夾後再電，塗過睫毛液待乾後再電一次，就有super up的效果。
毛孔超乾淨：一般潔面產品只能清理肌膚表面的污垢，頑固的黑頭及油脂粒，以前就要去美容院做深層清潔，但現在我有用超音波震走黑頭及油垢，全靠Clarisonic的電動洗面刷，連毛孔也變得超幼細。
無敵瘦面機：護膚品可做到的瘦面效果，最多只可去水腫。如果問題是下垂、包包面、大眼袋及雙下巴，就真係搽乜都係假。最近我勁幫塊面做gym，眼袋消失， 水腫不再，全靠用了英國的Rio瘦面機，微電流通過肥腫位就會不斷收緊及放鬆，似足做gym幾分鐘就有效果。懶人仲可以用耳筒款式集中瘦面，雙手用嚟上網 都OK！
